Tuesday, October 10, 2006
உள்ளாட்சி யாருக்காக
தமிழகத்தில் உள்ளாட்சித்தேர்தல் நடைபெற்று வருகிறது. உள்ளாட்சி நிர்வாகம் எல்லா அரசியல் கட்சிகளுக்கும் மிக முக்கியமான ஒன்று. கட்சியின் அடிமட்டத் தொண்டனுக்கும் அரசியல்கட்சிகள் மூலம் கிட்டும் பதவிகள் உள்ளாட்சித் தேர்தலில்தான் கிடைக்கின்றன. நாடாளுமன்ற, சட்டமன்ற பதவிகளை தலைவர்களே பிடித்து விட அங்கே இடம் கிடைக்காதவர்களுக்கும், அதிருப்தியாளர்களுக்கும் கிடைத்தது போக மிச்சம் மீதி இருந்தால் கட்சிக்காக உழைத்த தொண்டனுக்கும் கிடைக்கலாம்.
உள்ளாட்சித்தேர்தல் என்பது கட்சிகளுக்கும் கட்சித்தொண்டர்களுக்கும் பதவி சுகம் அனுபவிப்பதற்காகவா? வாருங்கள் விவாதிப்போம்.
Saturday, October 07, 2006
இணைய தமிழ் இதழ்கள்
கட்டற்ற கலைக்களஞ்சியமான விக்கிபீடியாவில் இருந்து...
கட்டுரை, ஆய்வு, கவிதை, கதை, உரையாடல் போன்ற பல ஆக்கங்களுடன் ஒரு குறிப்பிட்ட காலத்துக்குள் இற்றைப்படுத்தப்பட்டு இணையத்தில் வெளிவரும் இதழ்கள் இணையத் தமிழ் இதழ்கள் ஆகும். இணையத் தமிழ் இதழ்கள் பிற இணையத்தளங்களில் (வலைவாசல்கள், சங்கம் அல்லது அமைப்பு சார் தளங்கள், தனிப்பட்டோர் பக்கங்கள், தகவல் தளங்கள் / இணைய நூல்கள், இணைய பொது சந்தி / குழுக்கள், தளத் தொகுப்புகள், வலைப்பதிவுகள், செய்தித் தளங்கள்) இருந்து சில முக்கிய வழிகளில் வேறு பட்டு நிற்கின்றன. அவ்வேறுபாடுகளை அடிப்படையாக கொண்டு இணையத் தமிழ் இதழ்களின் இலக்கணத்தை பின்வருமாறு வரையறை செய்யலாம்.
இணையத்தின் இயல்புகளை உள்வாங்கிய வடிமைப்பு.
(அச்சு இதழ்களின்) இணையப் பரிமாற்றம்.
நேர்த்தியான காலவரைக்குள் வலையேற்றம்.
பலவகை எழுத்தாளர்களின் படைப்புக்கள்.
சீரமைக்கப்பட்ட படைப்புக்கள்.
முதன்மையான உள்ளடக்கமாக செய்திகளை கொண்டிருக்காத தன்மை.
இணைய இதழ்களின் தனித்தன்மைகளை மனதில் கொண்டே அதேசமயம் வலைப்பதிவுகளின் இயக்கத் தன்மையை தன்னுள் கொண்டதாக வலைமொழி வலைப்பதிவு இதழ் தன் இயக்கத்தை ஆரம்பிக்க உள்ளது.
Subscribe to:
Posts (Atom)
